Еден, по еден, Џурни Кастиљо на само 3-годишна возраст ги посети сите 63 национални паркови во САД.
Со тоа, малото девојче од Сан Антонио, Тексас, стана најмладата личност која ги има посетено сите национални паркови во САД.
Родителите Валери и Ерик ја одвеле Џурни во Големиот Кањон кога имала само две недели и оттогаш започна нејзиното авантуристичко патување.
Тогаш, брачниот пар си поставил цел да се погрижи бебенцето да има посетено 21 национален парк додека да наполни една година. И токму тоа се случило, но за кратко време тие ја прошириле својата мисија - посета на 42 национални паркови додека Џурни да наполни две години.
Со секое остварување на зацртаната цел, амбициозниот план продолжувал. Гордите родители сметаат дека ваквите екскурзии ѝ помагаат на Џурни да се развива подобро и да биде во контакт со природата. Таа ги направила и првите чекори за време за една нивна прошетка во парк.
„Таа го впиваше сето тоа, нејзините очи се ококоруваа и таа се смееше. Тоа што растеше низ националните паркови многу ѝ помогна да го зацврсти својот карактер и внатрешната сила.“
„Бестрашна е. Таа е дете на кое кога ќе ѝ пријдеш, ќе започне разговор со тебе, ќе поставува прашања. Сака да знае сè. Многу е љубопитна“ – велат Валери и Ерик.
