Списанието TIME, 92 години по ред избира „Личност на годината“, но годинава одлучи да им оддаде признание и на најмладите личности кои го менуваат светот. За првпат од неговото постоење, TIME избра „Дете на годината“.
Честа да ја понесе оваа титула ја имаше тинејџерката Гитанџали Рао од Колорадо. 15-годишната научничка и иноваторка победи 5.000 млади лица на возраст од 8 до 16 години. Во категоријата беа вклучени деца-лидери од САД кои веќе имаат направено позитивни промени во нивните заедници.
Љубовта кон науката кај Гитанџали се родила на 10-годишна возраст, кога таа открила технологија која користи молекули за да детектира хемикалии во водата за пиење. Нејзиниот најнов проект е апликација наречена „Kindly“, која со помош вештачка интелигенција детектира сајбербулинг (сајбер насилство или насилство преку интернет).
Целта на Рао е да создаде глобална заедница од млади иноватори кои ќе решаваат светски проблеми. „Нашата генерација се соочува со многу проблеми кои никогаш досега не постоеле. Но, се соочуваме и со стари проблеми кои сè уште постојат. Мислам дека сега повеќе отсекогаш, имаме потреба да најдеме нешто што ни буди страст и да го решиме... Сè може да направи разлика. Не чувствувајте притисок да создадете нешто големо. Ако можам јас, секој може“ – рекла таа во интервју со Анџелина Џоли.
„Не можеме да видиме свет исполнет со љубезност без наука и технологија“ – додава Рао.
Видео
„Малите чекори можат да доведат до големи промени. Ова се деца кои прават промени во нивните заедници на забавен и достапен, но многу моќен начин“ – рекла Андреа Делбанко, уредничка на TIME за деца.
Минатата година, за „Личност на годината“ беше прогласена 16-годишната Грета Тунберг и со тоа таа стана најмладата Личност на годината и прва под 25 години која ја добива титулата.
