Веста дека десетгодишно девојче стана мајка го обиколи светот. Романката Елена стана една од најмладите мајки во светот откако минатата седмица се породи во градот Херез де ла Фронтера во Шпанија.
Елена родила девојче тешко 2,9 килограми кое го добило името Николета. И мајката и бебето се во добра здравствена состојба, а властите сè уште решаваат дали да ѝ дозволат на Елена да го задржи своето бебе.
Денес стана јасно дека таткото на бебето е исто така малолетен и има 13 години, но веќе не е во врска со Елена.
Роднините на младата мајка се изненадени што се крева толку прашина околу породувањето на Елена и за странските медиуми изјавиле дека е вообичаено во нивната земја да има толку млади мајки.
„Овие работи се нормални во нашата земја. Девојчињата се мажат на 10 години, затоа не разбираме зошто луѓето се толку изненадени“ – изјавила бабата на бебето Олимпија.
Најмладата мајка во Британија се породи во 2006г. на 12-годишна возраст. Оваа година во Кина 9-годишно девојче роди здраво машко дете.
Најмладата мајка за која постојат докази е Лина Медина од Перу која имала само 5 години 7 месеци и 21 ден кога го родила својот син Герардо.
