Пар од САД ја прослави првата годишнина од посвојувањето на ќеркичката од Индија. Тие објавија слатко видео од првата година од животот со малата Амирта, која има Даунов синдром.
Меган и нејзиниот сопруг, кои имаат два сина, одлучиле да го прошират семејството со посвојување во 2019 година по нејзиниот спонтан абортус. Но, тие не можеле ни да претпостават дека судбината ќе ги одведе во Индија. Сè додека не дознале за постоењето на Ами.
Иако нивното патување не било лесно и процесот траел една и пол година, тие никогаш не се откажале од ќеркичката, која сега носи насмевки, радост и среќа во нивниот живот.
„За малку ќе го пропуштевме ова. Таа вреди. Многу сум среќна што ѝ сум мајка“ – пишува Меган.
@realisticplantbasedmama In October 2022 we became parents to the spunkiest, silliest, most beautiful “baby” girl born in India. She is smart, has the biggest heart, and rocks an extra chromosome. She was a missing piece to our family puzzle and we are so grateful to have spent one full year together. I wasn’t sure what kind of video I wanted to put together so here is some never before seen footage of our arrival in the United States and a montage of what life has been with our sweet Ami girl. We could have missed this. #internationaladoption #indiaadoption #downsyndromeawarenessmonth #downsyndromeadoption #adoptionjourney ♬ Never Grow Up - Caleb and Kelsey
„Во октомври 2022 година станавме родители на најупорното, најбудалестото и најубавото бебенце родено во Индија. Таа е паметна, го има најголемото срце и има екстра хромозом. Таа беше парчето кое недостигаше во нашата семејна сложувалка и благодарни сме што поминавме цела една година заедно“.
„Изминатата година беше полна со смеа, љубов и надеж за иднината“ – пишува Меган.
Бидејќи честопати ја прашуваат зошто посвои дете со Даунов синдром, Меган напиша пост во кој ги наведе своите причини:
Знаевме дека кога ќе бидеме подготвени да посвоиме, тоа би било дете со Даунов синдром. Дауновиот синдром никогаш не бил негативен фактор во мојот ум. Што е она што го прави детето ‘нормално’? Никој од нас не спаѓа во таа категорија.
Децата со Даунов синдром се напуштани поради нивната дијагноза низ целиот свет, што значи дека илјадници од нив имаат потреба од семејство. Децата со Даунов синдром кои што се во сиропиталиште и не се посвоени, најверојатно ќе завршат во ментална институција, а тоа значи дека нивната можност да имаат семејство ќе падне на 0%.
Знаевме дека нашиот живот би бил подобар со малку екстра во него и бевме во право. Таа е неверојатна. Луѓето со Даунов синдром заслужуваат да живеат, заслужуваат да имаат семејство, заслужуваат љубов, заслужуваат сè што имаат лицата без екстра хромозом.
Би избрале Даунов синдром повторно и повторно...
@realisticplantbasedmama After years of paperwork we finally have her in our arms.️ Welcome to the family, Amirtha. We love you so much and can’t wait to share our life with you! #internationaladoption #downsyndromeadoption #downsyndromelove ♬ you are my sunshine - christina perri
