Процесот за вонтелесно оплодување не е лесен и секогаш е емотивен за оние кои го поминуваат.
Карен Сиордија со искрено видео покажува како изгледа нејзината борба со неплодноста и обидите да забремени со инвитро. Од секојдневното примање инјекции и гинеколошките посети, до негативните тестови и многуте солзи... емотивната Мексиканка споделува делови од нејзиниот живот.
„Овој процес изгледа вака“ - пишува таа.
Целта на Карен е да им покаже на оние кои поминуваат низ истото дека не се сами во нивната битка.
Таа сакала да ја сподели својата приказна затоа што неплодноста е дел од нејзиниот живот кој не сака да го крие. Видеото од инвитро процесот на Карен има повеќе од милион прегледувања на TikTok.
