Хит видео го обиколува светот затоа што е пример за љубов, сочувство и бодрење од срце во тешки моменти.
Снимката ја покажува младата девојка Камила која објаснува дека си ја избричила главата за да ја охрабри нејзината сестра Габи, која се бори со рак и ја изгубила косата како резултат на хемотерапијата. Имено, Габи се чувствувала „грдо“ поради опаѓањето на косата и веѓите, а Камила самоуверено ѝ докажува дека убавината не се крие во физичкиот изглед со тоа што си ги бричи и веѓите.
„Овие немаат смисла. На кого му е гајле за нив? Мене не ми е. Те сакам. Изгледаш прекрасно“ - вели Камила додека си ги бричи веѓите.
Најемотивниот момент е кога двете сестри се прегрнуваат облеани во солзи.
Видеото стана вирален хит и поттикна многу славни личности како Ријана, Џенет Џексон, Адријана Лима и Емили Ратајковски да напишат охрабрувачки коментари.
