Главниот координативен КОВИД-19 кризен штаб ги прифати препораките на Комисијата за заразни болести за олабавување на мерките, почнувајќи од 16 јуни.
Еве кои се предлозите кои се очекува да бидат усвоени на утрешната владина седница:
- укинување на ограничувањето на движењето;
- се дозволува организација на настани, концерти и забави во клубовите и локалите само на отворено, со капацитет до максимум 50% од објектот и не повеќе од 1000 лица;
- се отстранува лимитот од 100 присутни лица на свадбите.
За препораките Владата ќе дискутира и одлучи на следната владина седница.
Вчера, за првпат од септември 2020 година, немаше регистрирано починато лице во статистиката за КОВИД-19 кај нас.
