Ѓурѓа Вуковиќ е вистинска инспирација.
94-годишната Хрватка не престанува да тренира и покрај тоа што чекори низ десеттата деценија од животот. Вежбањето ја одржува Вуковиќ во одлична форма за нејзините години и ѝ овозможува сама да си ги извршува секојдневните обврски.
„Кога ќе се рекреираш, кога ќе се размрдаш наутро, тогаш ќе забележиш дека небото е сино, ќе слушнеш дека птиците пеат. Активен си и за други активности, односно способен за некои други активности, а не само за гимнастика“ – рече таа за HRT1.
Но, Ѓурѓа не била отсекогаш здрава и силна. Додека растела, била многу болежлива, а со вежбање започнала дури во своите 20-ти години. Сега, инспирира и други жени да го следат нејзиниот пример и е нивен тренер во Друштвото за спортска рекреација „Спорт за сите“ од Самобор.
„Како дете, бев многу болежлива. Дури и бев ослободена од гимнастика на училиште. На 21 година, како омажена жена,... дојдов на врата на рекреација, го видов друштвото, имаше неколку за мене стари жени, кои ја имаа надминато 40-тата година, а јас мислев што ќе правам јас толку млада со тие стари луѓе? Но, останав“ – раскажа таа.
Денес, Ѓурѓа води по два тренинзи неделно за другите жени, а самата тренира секогаш кога ќе има прилика за тоа.
„Гледајте колку години имам, а сè уште можам сама и да се соблечам и да се облечам“ – вели таа.
@hrvatska_radiotelevizija Tjelesna aktivnost nije samo temelj zdravlja, već i izvor sreće. Evo kako izgleda trening rekreacije s Đurđom Vuković, koja sa svojih 94 godine i dalje redovito vježba. #DobroJutroHrvatska @dobrojutrohrvatska #hrvatskaradiotelevizija #trening #rekreacija #vježba #video #hrvatska
♬ original sound - HRT
