Министерството за здравство објави дека драстично се зголеми бројот на новозаразени од новиот коронавирус. Во изминатите 24 часа, се направени 953 тестирања, а регистрирани се рекордни 120 нови случаи на КОВИД-19.
Новозаболените според местото на живеење се од:
- Скопје – 67
- Куманово – 19
- Штип – 16
- Прилеп – 4
- Тетово – 9
- Велес – 2
- Гостивар – 1
- Неготино – 1
- Струмица – 1
На Клиниката за инфективни болести и фебрилни состојби почина 65-годишна пациентка, примена на 28 мај, во ГОБ „8 септември“ почина пациент на возраст на 69 години, хоспитализиран на 1 јуни.
Денеска Институтот за јавно здравје регистрира 16 оздравени пациенти и тоа од Скопје (8), Штип (3), Прилеп (2), Тетово (1), Велес (1) и Битола (1).
Досега во земјата се направени вкупно 33.114 тестирања на КОВИД-19. Од вкупниот број направени тестови во изминатото деноноќие 2 теста се во рамките на скринингот во градинки во Штип и нема позитивен резултат.
Вкупната бројка на дијагностицирани со КОВИД-19 во нашата земја од почетокот на епидемијата изнесува 2.611, бројката на оздравени пациенти е 1.621, на починати е 147, а во моментов, бројот на активни случаи во земјата изнесува 843.
