Како вљубеник во природата, можете да го сретнете додека искачува планински врвови, вози велосипед на стрмни патеки, кајакари, весла на даска на Матка или во Трпејца, или пак, истражува скриени водопади и пештери низ Македонија. Како фитнес тренер, ќе го пронајдете во студиото „Мој тренер“ додека ваја фит фигури и напорно тренира. Како одличен мотиватор, ќе го чуете како вели „Нема трикови, само напорна работа“ или „Сè е возможно ако се има волја“.
Даниел Трбогазов е сестран спортист кому активноста му е неопходна како кислород и кој посветено се држи до девизата „Грижете се за вашето тело, тоа е ваш дом“, а со тоа алудира и на придржување до балансирана исхрана полна со витамини и минерали.
Во време кога коронавирусот сè уште не ни дава мира, динамичниот дечко прави сè што е во негова моќ за да се храни здраво со цел да се заштити од респираторна инфекција. Еден од докажаните начини за превенција и полесно справување со КОВИД-19 е внесувањето на доволно витамин Д.
Со многуте авантури под сонцето, Даниел му помага на телото да создаде витамин Д, а дополнително му олеснува на организмот и со редовна консумација на храна богата со „сончевиот витамин“. Негов „go-to“ оброк се Eva сардините, како квалитетен и природен извор на нутритиенти и фантастичен извор на витамин Д.
ВИДЕО
Зошто токму витамин Д? Да ги разгледаме бенефициите:
Витамин Д и коронавирусот
Сè поголем е бројот на релевантни истражувања кои го потврдуваат влијанието на витаминот Д на КОВИД-19. Податоците покажуваат дека лицата кои имаат недостиг на витамин Д развиваат посериозна клиничка слика при инфекција со коронавирусот SARS‑CoV‑2, а исто така кај нив е зголемена веројатноста од смртен исход.
Со години наназад витаминот Д се препорачува и во превенцијата на грип и инфекции на горните респираторни патишта.
Најголеми бенефиции од витаминот Д
- Го зајакнува имунитетот и ја намалува подложноста на автоимуни заболувања.
- Ги одржува коските здрави и заштитува од остеопороза.
- Помага во превенцијата на рак на дојка, јајници, простата и дебело црево.
- Штити од срцев и мозочен удар.
- Го намалува ризикот од дијабетес тип 2 и помага во менаџирањето на шеќерна болест.
- Ги подобрува когнитивните способности и претпазува од деменција.
Како да го внесете неопходниот витамин Д?
Недостатокот на витамин Д е глобален проблем и засега околу 50% од светската популација.
Најдобриот природен начин да се снабдиме со витамин Д е комбинацијата од редовно излегување на сонце и внесување на храна богата со него. Се препорачува да сме изложени на сонце барем по 15 минути дневно, но да го избегнуваме силното летно сонце од 10 до 4 часот попладне, како и да користиме заштитен фактор.
Малку се на број намирниците кои содржат витамин Д, а меѓу нив се истакнуваат масните риби како сардини, туна и лосос. Во помали количини витамин Д има и во јајцата, говедскиот џигер и некои видови печурки.
Сардините содржат ДВАПАТИ повеќе витамин Д од јајцата.*
Препораките на нутриционистите се да се внесува риба двапати неделно.
*Споредено во 100 грама (Извор: National Nutrient Database for Standard Reference на USDA)
