Без разлика дали трагате по драматичен и впечатлив изглед или неутрална шминка, Дези Перкинс е секогаш тука да ви помогне и да ви покаже како да го постигнете посакуваниот мејкап-стил.
29-годишната блогерка од Калифорнија стана мегапопуларна со туторијалите за шминка и советите за нега на кожата кои ги споделува со своите следбеници на YouTube и Instagram.
Перкинс не се плаши да експериментира и вели дека се инспирира од сè што ја опкружува. „Кога си артист, црпиш инспирација од сè што те опкружува. Луѓе, бои, музика и шминка. Секогаш сакам да бидам подобра отколку што бев претходниот ден и тоа ме мотивира да продолжам понатаму“ – вели таа.
Убавата Американка својата мејкап приказна ја започна во 2013 година, а нејзините обожаватели од ден на ден само се зголемуваат.
ВИДЕА:
Најпопуларното видео на Дези, во кое таа ја открива својата техника за цртање на веѓите, е прегледувано речиси 14 милиони пати. Погледнете го:
