Веќе извесен период се шпекулира дека Џенифер Лопез и Дрејк се во врска. Фотографија која славните музичари ја споделија на своите профили Instagram ги засили тие гласини.
На фотографијата, 47-годишната пејачка е во прегратката на 30-годишниот рапер.
Шпекулациите за нивната врска започнаа пред две недели, кога Дрејк присуствуваше на неколку концерти на Лопез во Лас Вегас. Тогаш, славната пејачка сподели фотографија во чиј опис стоеше хаштаг „Love Him“ или „Го сакам“.
Дрејк претходно беше во врска со Ријана, а сега странските медиуми пренесуваат дека таа престана да ја следи Лопез на Instagram.
Џеј Ло во август раскина со Каспер Смарт, со кого беше во врска 5 години.
