Ѕвезденото оскаровско „селфи“ со рекорд на Twitter

За време на свечената манифестација по повод доделувањето на наградите Оскар, водителката Елен Деџенерис предложи холивудските ѕвезди да ја направат „најретвитуваната“ селфи фотографија.

За целта, таа повика некои од најпопуларните актери и актерки, меѓу кои Мерил Стрип, Џенифер Лоренс, Џулија Робертс, Џаред Лето, Бред Пит, Кевин Спејси, Лупита Нионго и Анџелина Џоли.

Бредли Купер го направи славното „селфи“ кое успеа да го сруши рекордот на Twitter. Досега фотографијата има речиси 2,5 милиони „ретвитови“, а тоа е и првиот „твит“ во историјата кој има достигнато 1 милион „ретвитови“.