Лионел Меси има многу фанови низ светот, а неодамна одлучи да го изненади својот најстар обожавател.
Фудбалската легенда му испрати видео порака на старец од Аргентина за неговиот 100-ти роденден, а видеото од изненадувањето се распространи на интернет.
Имено, Хернан ги запишувал сите голови на Меси низ годините и досега има исполнето 730 нотеси. Приказната за неговата посветеност стигна до славниот фудбалер, благодарение на неговиот внук.
„Здраво Хернан, денес до мене стигна твојата приказна. Ми изгледа лудо што на таков начин ги забележуваш сите мои голови. Затоа сакав да ти испратам една голема прегратка и да ти се заблагодарам за сè што правиш“ – му вели Меси во видеото.
