Ријана и Крис Браун сè уште немаат официјално потврдено дека повторно се заедно, но најновите фотографии ги подгреваат гласините за нивната врска.
Познатите музички ѕвезди се појавиле заедно во „Стејплс Центар“ во Лос Анџелес за да следат натпревар на Лејкерси. Според TMZ, Ријана и Крис пристигнале на настанот во ист автомобил и за време на натпреварот не се одделиле еден од друг.
По завршувањето на натпреварот, Ријана и Крис заедно ја напуштиле салата, држејќи се за раце.
Неколку часа подоцна Ријана објави и фотографија на која позира заедно со Крис, а со која им го честита Божиќ на своите фанови.
Во изминатава недела Ријана беше на краток одмор во Барбадос. За време на нејзината посета на семејството таа донираше 1,75 милиони долари за болницата „Queen Elizabeth“. 24-годишната ѕвезда изјави дека донацијата е во чест на нејзината баба Доли, која неодамна ја изгуби битката со ракот.
Ријана со своите мајка и дедо во болницата „Queen Elizabeth“
Ријана и Крис ја прекинаа врската во 2009 година, по неговиот брутален физички напад кој ја остави Ријана со видливи повреди на лицето.
