Натали Портман позираше гола за новата рекламна кампања за козметичките производи на Диор. Се разбира, нема ништо скандалозно и непристојно во фотографиите и видеото, бидејќи како што би се очекувало од Диор и Портман, сè е направено со вкус и стил.
Голотијата која е ставена во преден план треба да потсетува на името на линијата козметички производи „Nude“.
На фотографиите направени од Марио Соренти, Натали позира разголена и со минимална природна шминка на лицето.
„Таа поседува суптилна комбинација од шарм и чистота и знае како да си игра со заводливост додека го претставува идеалот за природна блескава убавина“ – изјавил претставник на Диор за убавата Оскаровка.
Погледнете видео од снимањето на кампањата:
Натали е заштитно лице на Диор од декември 2010 година. Минатата година таа беше главна ѕвезда во кампањата за парфемот Miss Dior Cherie.
Натали Портман во рекламата за парфемот Miss Dior Cherie
