Натали Портман е прекрасна невеста која не го изговара судбоносното „Да“ во краток филм на модната куќа Кристијан Диор. Холивудската ѕвезда во последен момент се предомислува и бега од сопствената свадба.
На почетокот на видеото, Портман го прима својот бидермаер и со татко си се движи кон избраникот. Но, непосредно пред да започне церемонијата, таа му се извинува на татко си и започнува да бега додека во позадина се слуша „Piece of My Heart“ од Џенис Џоплин.
Краткиот филм за парфемот Miss Dior има романтичен крај, бидејќи Портман завршува во хеликоптер со друг љубовник. Режисер на видеото е Антон Корбејн.
