Мис Венецуела е „најубавата жена во универзумот“. Привлечната бринета од Венецуела беше крунисана на финалето на „Мис Универзум“ одржано во Москва, Русија.
Габриела Ислер, чие целосно име е Марија Габриела де Хесус Ислер Моралес, е седмата Венецуелка која однела дома круна од „Мис Универзум“. Всушност, во изминативе шест години, титулата „Мис Универзум“ 3 пати ја добила убавица од Венецуела.
Додека Оливија Кулпо ја крунисуваше победничката, тијарата за момент падна од главата на 25-годишната Габриела, но таа ја фати со насмевка.
„Имам многу емоции. Не можам да ги опишам сите нешта што ги чувствувам во моментов, затоа што треперам“ – изјавила таа.
Вкупно 86 убавици од целиот свет се натпреваруваа за престижната титула. Македонија немаше своја претставничка.
Мис Шпанија, Патриција Родригез, беше избрана за прва придружничка.
Прва придружничка: Мис Шпанија
За втора придружничка беше избрана Констанца Баез од Еквадор.
Втора придружничка: Мис Еквадор
Во топ 5 влегоа уште и Мис Бразил и Мис Филипини.
Топ 5 финалистки
Мис Бразил
Мис Филипини
