Ема Вотсон е вистинска млада госпоѓица на насловната страница на списанието W. На корицата, 23-годишната ѕвезда изгледа прекрасно во сиво палто од модната куќа Луј Витон.
За модниот едиторијал, Вотсон позираше пред објективот на Мајкл Томпсон, во дамска облека и модни додатоци од модни брендови како Шанел, Ердем и Марк Џејкобс.
На прашањето дали првиот бакнеж го доживеала на снимање на филм, Ема одговорила: „За среќа, не. Отсекогаш сум била фасцинирана од Елизабет Тејлор и имам прочитано дека нејзиниот прв бакнеж се случил за време на снимање на филм, што малку ме растажи. Мораш да имаш свои нормални искуства. Никогаш не сум сакала да пораснам прерано: Сакав да носам спортски градник до 22-годишна возраст. Привлечноста на тоа да си секси никогаш не ме возбудувала. Никогаш не сум брзала да ме гледаат како жена.“
Вотсон споделила кој бил првиот филм за кој се сеќава дека го гледала. „Pretty Woman. Имав 7 години, бев премлада. Тогаш започнав да ја сакам Џулија Робертс и американските филмови. Како дете, обожавав да сум на сцената. Сакав да пеам, ги сакав светлата, го сакав адреналинот.“
Шармантната „Хермиона“ открила дека од 12-годишна возраст до денес единствениот холивудски маж во кој била затрескана е актерот Кевин Костнер и дека толку била возбудена кога за првпат го сретнала, што не можела да одговори на неговото „Здраво“.
Моментално Ема се наоѓа во Кан каде го промовира својот најнов филм, „The Bling Ring“, во режија на Софија Копола.
