Кејли Куоко, позната по улогата на Пени во серијата „The Big Bang Theory“, го отвори својот дом за „The Coveteur“.
Фотографиите го откриваат големиот плакар на 26-годишната актерка, исполнет со дизајнерска облека и многу обувки и модни додатоци. „Кога ја купив куќата, знаев дека сакам да претворам една спална соба во мојот плакар од соништата. Сонував за ова цел мој живот и го посакував повеќе од сè. Сакав рај само за девојки, каде што ќе можам да се подготвувам за настани и да ги складирам сите омилени модни парчиња“ – изјавила таа.
Низ брендираните модни парчиња најчести се чантичките Chanel и Prada и блескавите обувки Miu Miu, за кои Кејли вели дека ѝ се омилени.
„Колку и да го сакам мојот лик, Пени, не се согласуваме во однос на модата. Пени носи многу светли бои, што е одлично за шоуто, но јас се држам до неутралните бои. Носам многу црно, сиво и бело. Бојата ја оставам за моите обувки“ – вели Кејли за својот стил.
Ѕирнете и кaко изгледаат останатите простории од нејзиниот дом во Лос Анџелес:
