Џејми Чуа привлекува огромно внимание на Instagram со младоликиот изглед, модерниот стил на облекување и екстравагантниот начин на живот.
Иако има 42 години, Џејми честопати добива комплименти дека изгледа како повозрасна сестра на нејзините две ќерки – 21-годишната Кливленд и 17-годишната Ксалиста.
Џејми со ќерка си
Плакарот на познатата Сингапурка е преполн со дизајнерска облека, обувки и скапоцен накит, но главно место зазема нејзината колекција Hermès чанти. Џејми поседува околу 200 чанти од престижниот бренд, што би рекло дека таа има потрошено најмалку 2 милиони долари само на Hermès модни додатоци.
Видео од плакарот
„Мојата љубов кон Hermès започна веројатно пред 15 години. Чантите Кели и Биркин станаа симбол на богатство и одненадеж сите сакаа да ги имаат, а тоа направи да ми е тешко да стигнам до нив. Мене не ми е грижа за нивната симболика. До ден-денес, сметам дека чантите Кели и Биркин најмногу ми одговараат на стилот на живот. Во нив ги собира работите кои ми се неопходни за денот и во нив навистина лесно можам да ги најдам предметите“ - изјавила Чуа.
И младоликиот изглед на Чуа не доаѓа со ниска цена. Само за третмани за убавина, Џејми месечно троши околу 14.000 долари.
Својот луксузен живот таа го одржува со високата алиментација која ја добива по разводот со индонезиски милионер. Од поранешниот сопруг Џејми барала да добива по 450.000 долари месечно, но не е познато за која сума се спогодиле по разделбата. Пред бракот, таа работела како стјуардеса.
