Холивудските ѕвезди неретко легнуваат под нож за да го подобрат својот изглед, но ретко која славна личност отворено признава дека си има направено пластична операција.
Кејли Куоко од хит-серијата „The Big Bang Theory“ не крие дека го има коригирано своето тело. 30-годишната актерка си има направено операција на носот и си ги има зголемено градите, а исто така и со филери си ја има подобрено текстурата на вратот.
Во интервју за „Women’s Health“, таа изјави: „Пред години, си направив операција на носот. А потоа и на градите – тоа е најдоброто нешто кое сум го направила. Неодамна си ставив филери на линија на вратот која ја имав од 12-годишна возраст. Колку и да сакаш да се сакаш себеси внатрешно, жалам, ама сакаш и да изгледаш убаво. Сметам дека не треба да направиш пластична операција заради маж или заради некој друг, но ако тоа ти ја зголемува самодовербата, тоа е прекрасно.“
За својот „бум“ во ТВ индустријата, таа коментираше: „Успехот не дојде преку ноќ. Го правам ова повеќе од 20 години и беше долг пат. Бара многу напорна работа, голема волја и многу трпение.“
