Тамара Тодевска е една од многуте ѕвезди кои ќе гостуваат во продолжението на „Дајте музика“. 34-годишната пејачка заедно со ќерка ѝ Хана беа на снимањето на нова епизода од забавно-музичкото шоу од каде објавија фотографии.
За оваа пригода Тамара и Хана беа стилски координирани. И двете носеа жолти здолништа и црни маички.
Новите 30 продолженија од серијалот имаат за цел преку забава да ги поттикнат традиционалните семејни вредности низ призмата на една нова модерна генерација на детски идоли кои ги почитуваат вистинските вредности: добро однесување, здрави навики, искреност, одговорност, вистинско другарство и емпатија.
Главните протагонисти се Јован, Филип, Тео, Наташа, Саша, Кики и уште дваесеттина други деца, на возраст од 6 до 11 години, кои повторно ќе го „пронајдат“ старото маало кое ќе стане свртилиште на една нова генерација, старо-ново место за забава, игри, први симпатии, малку разочарување, по некоја играчка-плачка и многу детска среќа!
