Се сеќавате на Кристијан Ристески, внукот на Тоше Проески со кого тој ја сними песната „My Little One“?
Талентираното момче порасна и денес има 20 години, а љубовта кон музиката несомнено ја наследи од нашата ѕвезда со ангелски глас.
Пред неколку години, Кристијан имаше изјавено: „Вујче Тоше ме зарази со музика“, па своето образование тој го продолжи на Универзитетот за аудиовизуелни уметности во Скопје, на отсек интерпретација на популарна музика и музичка продукција.
Кристијан свири гитара и тапани, а на својот профил на Instagram постојано објавува фотографии од детството, потсетувајќи се на дружбите со својот непреболен вујко.
Заедничката песна на Тоше и Кристијан „My Little One“ е дел од постхумниот албум на македонската легенда насловен „The Hardest Thing“.
ВИДЕО
Тоше почина на 16 октомври 2007 година, како последица на сообраќајна несреќа на автопатот Загреб – Липовац во Хрватска.
