Пенелопе Круз мамеше воздишки со стајлинг кој зрачеше со елеганција и гламур на доделувањето на Goya Cinema Awards во Мадрид. 42-годишната актерка со широка насмевка шармираше пред бројните фоторепортери на филмскиот настан во шпанската метропола.
Убавата Шпанка носеше црн фустан со висок шлиц од високата мода на Версаче, украсен со сваровски кристали. Стилскиот избор Круз го надополни со блескав дијамантски накит и сандали исто така од Версаче.
На црвениот тепих, Пенелопе позираше и со шпанскиот режисер Педро Алмодовар.
Круз следно ќе глуми покрај својот сопруг Хавиер Бардем во филмот „Escobar“. Во биографскиот филм, Хавиер ќе влезе во улогата на Пабло Ескобар, а Пенелопе ќе ја глуми неговата љубовница Вирџинија Ваљехо.
