Пред една година, Селин Дион ја изгуби љубовта на својот живот. 48-годишната пејачка објави видео во кое му оддава почит на својот сопруг, кој на 14 јануари минатата година ја изгуби битката со ракот.
Во видеозаписот се прикажани значајни моменти од животот на покојниот Рене Анжелил, од неговото детство, па сè до семејниот живот со Селин и нивните деца.
„Денес, на 14 јануари, поминува една година откако Рене нè напушти. Тој секогаш ќе остане во нашите срца“ – пишува во описот на видеото на Facebook.
На крајот од минатата година, музичката ѕвезда објави видео со своите најважни моменти од 2016 година, а Рене е секако составен дел од него.
Рене и Селин се запознаа во 1980 година, кога таа имаше само 12, а тој 38 години. Благодарение на него, талентираната пејачка се издигна до врвот во светот на музиката. На почетокот тој беше нејзин менаџер, но потоа нивната врска влезе во романтични води. Тие беа во брак 21 година и заедно имаат три деца.

