Селин Дион седеше во првиот ред на ревијата на високата мода на Александар Воте. На модното шоу во Париз, 50-годишната музичка дива се појави во црн фустан со отвор на деколтето и висок шлиц.
Популарната музичарка се појави заедно со Пепе Муноз. 34-годишниот танчар извесно време работи за Дион, а од пред неколку месеци ја придружува речиси насекаде, па кружат шпекулации дека станува збор за нешто повеќе од пријателство.
На крајот на ревијата, Селин со аплауз и бакнеж го поздрави дизајнерот.
Талентираната пејачка беше гостинка и на ревијата на Армани.
