Андријана Јаневска ја промовираше својата прва книга, насловена: „Македонското традиционално народно пеење во: Мала Преспа, Голо Брдо и Гора“.
42-годишната македонска пејачка носеше црвен долг фустан на промоцијата на своето дело за кое многу истражуваше и учеше. Таа сподели фотографии и текст на социјалните мрежи.
„Народното творештво претставува еден од најзначајните сегменти во севкупниот материјално-духовен идентитет на македонскиот народ. Истражувањата покажаа дека чувството за: јазикот, припадноста и идентитетот никогаш не ги напуштило Македонците од овие региони. Во текот на моите теренски истражувања, но и во многу книги сретнав записи и кажувања како македонскиот фолклор сакаат да го прикажат како туѓ.“
„Македонскиот народ, кој живее во овие три региони, токму преку традиционалните македонски песни, во разни варијанти, е поврзан како еден единствен народ, кој, за жал, во минатото бил разделен“ – напиша таа.
Фотографии: Facebook / Andrijana Janevska, Адријан Зарески
