Денес беше свеченото отворање на 16. издание на детската Евровизија во Минск.
Нашата претставничка Марија Спасовска со македонското знаме во рацете зачекори на црвениот тепих на големата церемонија и беше поздравена од бројни евровизиски фанови.
„Прекрасно си поминувам. Овде во Минск сите ние сме веќе победници. Сите 20 учесници се веќе ѕвезди, затоа што околу нас има милиони фанови и телевизиски екипи, новинари...Многу сум возбудена“ – изјави радосната Марија за Femina.mk.
ВИДЕО
Детската Евровизија ќе се одржи в недела, 25 ноември, а од утре започнуваат техничките проби. На овогодишното издание на музичкиот натпревар ќе учествуваат 20 земји. Македонија ќе настапи под реден број 16.
Потсетете се на песната „Дома“ со која Марија ќе нè претставува во Белорусија. Текстот е дело на Елена Ристеска и Дарко Димитров.
Гледајте го директниот пренос на МРТ од 16.00 часот во недела и не заборавајте да гласате.
