Ванеса Брајант е скршена од болка поради смртта на нејзиниот сопруг Коби и ќерката Џиана.
37-годишната Американка сподели фотографии и видеа од двете важни за неа личности кои ги изгуби прерано.
Во описот на фотографија од Коби, таа напиша: „Мојот најдобар пријател, најдобриот татко. Многу ми недостигаш. #згоден #сладок #забавен #будалест #грижливсопруг. Ми недостига да ми речеш ‘Bonjourno principessa/reina’ (Добро утро принцеза/кралица)“.
Ванеса објави и фотографии и видео од „пензионирањето“ на дресот со бројот 2 на Џиана од училиштето „Харбор Деј“.
„Моја Џиана. Боже колку многу ми недостигаш. Бев голема среќничка што 13 години се будев за да го видам твоето прекрасно лице и неверојатната насмевка. Посакувам да беше така до мојот последен здив. Мама те сака до месечината и назад“ – напиша таа.
„Моја Џиџи. Те сакам! Ми недостигаш. Нè научи сите нас дека ниту едно добро дело не е премало. Мама сè уште се гордее и секогаш ќе се гордее со тебе мамино“ – напиша Ванеса во друга објава.
Коби Брајант и Џиана беа меѓу деветте лица кои го загубија животот во хеликоптерска несреќа во Калабасис пред 10 дена.
