Многу солзи беа пролеани по трагичната несреќа во која животите ги загубија Коби и Џиџи Брајант. Но, најголемата тага надвисна врз Ванеса Брајант, која остана без сопругот и саканата ќерка.
Речиси 14 месеци по трагедијата, Ванеса се отвори за болката која ѝ го крши срцето, но и за мотивацијата која ја поттикнува да гледа напред.
„Не можам да речам дека сум силна секој ден. Не можам да речам дека нема денови во кои се чувствувам како да нема да преживеам до следниот ден... „Болката е незамислива, но мора да станеш и да туркаш напред. Лежењето и плачењето во кревет нема да го променат фактот дека моето семејство никогаш нема да биде како порано. Но, станувањето од кревет и одењето напред ќе го направи денот подобар за моите девојчиња и за мене. Па, тоа и го правам“ – вели таа за „People“.
Разбирливо, има моменти кога таа не може да ги крие интензивните емоции. „Моите очи и болката не можат да бидат филтрирани. Тие знаат дека мама има тешки денови, но кога ќе ги видам нивните лица кога ќе сфатат дека сум плачела, тоа ме освестува и ме тера да продолжам. Се обидувам да им надоместам со тоа што ќе ги насмеам за нешто... Секогаш пронаоѓајќи ја светлината во темнината“ – признава таа.
По смртта на Коби и Џиџи, таа се фокусира на грижата за 18-годишната Наталија,
Семејството ѝ е најголема сила и Ванеса е категорична дека од нив доаѓа сè што ја крева на нозе. „Најдобриот начин да го опишам е дека Коби и Џиџи ме мотивираат да продолжам и да не застанувам. Тие ме инспирираат да се трудам повеќе и да бидам подобра секој ден. Нивната љубов е безусловна и тие ме мотивираат на многу различни начини... Моите девојчиња ми помагаат да се смеам низ болката. Тие ми даваат сила“ – изјави таа.
