Ексцентричната пејачка Лејди Гага постави нов YouTube рекорд. Таа го победи Џастин Бибер во трката за постигнување на 1 милијарда посети на YouTube и стана првата личност во светот која успеала да добие толкава гледаност на своите видеа.
Лејди Гага стана рекордерка на YouTube со гледаноста од 1 милијарда посети
„Постигнавме една милијарда прегледувања на YouTube, мали чудовишта. Ако се држиме заедно, можеме да направиме сè. Ве нарекувам кралови и кралици на YouTube!“ – напиша Гага на Фејсбук.
Ова не е првиот онлајн рекорд на Гага. Во август таа стана најследената личност на Twitter, а неодамна достигна и рекордни 20 милиони обожаватели на Facebook.
Тинејџерската ѕвезда Џастин Бибер се очекува да достигне гледаност од 1 милијарда посети наредниот месец. Тој го има најгледаното видео на YouTube, спотот за песната „Baby“, кој го гледале повеќе од 350 милиони посетители.
