Ели Сааб и Кристијан Лобутин ја облекоа „Пепелашка“ за премиерата на Дизни

Лили Џејмс изгледаше како модерна принцеза на холивудската премиера на „Пепелашка“. 25-годишната актерка, која ја доби главната улога во новата филмска бајка на Дизни, шармираше во креација од ателјето на Ели Сааб.

Деликатниот фустан е дел од колекцијата висока мода есен/зима 2014 на прочуениот либански дизајнер.

Но, Пепелашка не е Пепелашка без блескави „стаклени“ чевли. На црвениот тепих Џејмс чекореше со блескави чевли со пеперутки кои Кристијан Лобутин ги создаде во соработка со Дизни.

Свечениот стајлинг славната Англичанка го надополни со чантичка со часовник од Шарлот Олимпија.

Премиерата не помина и без „принцот“ (Ричард Меден), „маќеата“ (Кејт Бланшет) и „злобните сестри“ (Софи Макшера и Холидеј Грејнџер).