Ева Лонгорија максимално го искористи летото за уживање на плажа со синот Сантијаго.
49-годишната ѕвезда од „Очајни домаќинки“ сподели фотографии од последните летни денови во кои може да ужива во убавините на Марбеља, Шпанија. На нив, таа позира со 6-годишниот син и со внукот.
Ева носеше бели бикини со портокалови цветови. Славната актерка ја одржува својата фигура со напорни тренинзи кои ги покажува и на социјалните мрежи.
„Мојот внук се обидува да ме носи“ – стои на една од фотографиите.
Марбеља всушност е градот во кој моментално живее Лонгорија со сопругот Хозе Пепе Бастон и нивното синче. Во 2023 година, тие се преселија од Лос Анџелес во Шпанија.
Ева и Хозе стапија во брак во Мексико во мај 2016 година, а во 2018 година се роди нивниот син.
