По трагичната смрт на Фросина Кулакова, многу Македонци за првпат прозборуваа за несреќите во кои биле повредени тие или нивни блиски личности.
Бети Котовчевска, позната како ледената Бетика, објави искрен текст во кој се отвори за моментот кога била прегазена од полицаец, кој за жал, не ја добил соодветната казна.
Прочитајте ја нејзината објава во целост:
Денес не зборувам јас, Фросина зборува преку мене.
Можеби ова вечно ќе го чував за себе, но денес бил денот.
На само 18 години ме прегази чичко Полицаец.
-Беше под дејство на алкохол, униформиран Полицаец во сопствено возило, после несреќата ме остави на улица брзајќи се да ја пречека делегацијата.
Очевидците наредниот ден, неми останаа. (Платени, сите да молчат)
Сега можеби ме читате, ако читајте ме.
Јас сум ЖИВА вистина!
И судот нем остана!
Имаше кривични дела за в затвор да скапе.
Тој ден не бев уплашена за себе, тој ден бев уплашена за него, зошто татко ми одеше да му пресуди.
Тој ден ја молев Мајката, го молев Бог, смирение татко ми да го облее, чунки за човек ќе одговара.
Можеби и ти ме читаш, не знам.
Не знам како сите вие мирно спиете ама, поминаа 11 лета, чичко Полицаец и пензија си дочека.
Правда не најдов.
Ја заташкаа работата.
Правда не најдов.
Денес не зборувам јас.
Денес зборува Фросина преку мене.
Затоа денес остави ме да се ДЕРАМ, зошто правда не најдов.
Почивај во мир малечка.
Оваа сообраќајна несреќа комплетно ѝ го промени животот на Бетика. Таа вели дека докторите биле откажани од нејзиното целосно опоравување, дури и се сомневале во инвалидитет, но дека капењето во ладна вода ѝ помогнало да ја излекува повредената нога.
Таа редовно практикува да се капи на ниски температури во студени и замрзнати езера и води.
