Дупер, една од најактуелните музички групи на нашата сцена, се распадна.
Веста ја објави Бобан Милошески од Авалон Продукција на Facebook.
Почитувани,
Поради тоа што едниот од машките членови на групата Дупер ѝ даде отказ на Мартина, со поддршка на другиот машки член, од според мене најпатетична можна причина, Авалон Продукција го раскина договорот со младите момци.
Бобан Милошески
Дупер го сочинуваа Илчо Нечовски (вокал и бас-гитара), Мартина Баракоска (тапани) и Борис Какуринов (гитара и клавир). Имаа снимено три авторски песни – „Не сум твој тип“, „Тело за на ТВ“ и „Ние сме 2“, а во февруари ја добија наградата Музичко откритие на годината на „Златна Бубамара на популарноста“.
