Добитниците на престижните награди Оскар 2017

Пред само неколку часа заврши најголемата холивудска манифестација. Доделувањето на престижните награди Оскар, традиционално се одржа во Долби театарот во Холивуд.

На неколкучасовното наградување на најдобрите во филмската индустрија за изминатата година, Џими Кимел беше поставен за водител и ја забавуваше публиката.

Фаворитот „La La Land“ по грешка беше прогласен за Најдобар филм, но грешката беше исправена и најважната награда ја доби филмот „Moonlight“.

Иако не ја доби наградата за најдобар филм, „La La Land“ сепак се истакна како победник во повеќето од најважните категории. За Најдобар режисер беше избран Демиен Шазел, Ема Стоун се закити со златна статуетка за Најдобра актерка, песната „City Of Stars“ стана Најдобра оригинална песна, а исто така, познатиот мјузикл ги доби и наградите за Најдобра кинематографија и Најдобра оригинална музика.

Ема Стоун

Демиен Шазел

За Најдобар актер во главна улога беше избран Кејси Афлек, братот на Бен Афлек, за улогата во „Manchester by the Sea“.

Кејси Афлек

Наградата за Најдобра актерка во споредна улога ѝ беше врачена на Вајола Дејвис за улогата во „Fences“, а статуетката за Најдобар актер во споредна улога „одлета“ кај Махершала Али за „Moonlight“.

Вајола Дејвис

Махершала Али

„Zootopia“ беше избран за Најдобар анимиран филм, додека за Најдобар филм од неанглиско говорно подрачје беше прогласен „The Salesman“.