Новиот трејлер за филмот „Oz: The Great and Powerful“ го разбуди љубопитството на обожавателите на фантазиите.
Волшебното видео ни ја најавува возбудливата приказна за Оскар (Џејмс Франко), магионичар од циркус, кој ненадејно слетува во мистична земја. Таму тој среќава три добри вештерки, во чии улоги влегуваат Мила Кунис, Рејчел Вајс и Мишел Вилијамс, а подоцна станува моќниот Волшебник од Оз.
Дејството во филмот се одвива долго пред Дороти да пристигне во мистериозното царство. Филмот кој е во режија на Сем Рејми ќе ја доживее својата премиера на 8 март наредната година.
