Кендис Сванапул им се врати на работните обврски, а на првата фотосесија по породувањето, го зеде со себе малото синче Анака.
Славниот ангел на Victoria's Secret беше фотографиран додека го доеше 5-месечното бебенце за време на паузите.
На снимањето во Рио де Жанеиро присуствуваше и нејзиниот свршеник Херман Николи.
Убавата Јужноафриканка неодамна го искажа својот став за доењето во јавност. „Многу жени денес се посрамувани затоа што дојат во јавност или се бркани од јавни места само зашто ги хранат своите деца. Ме натераа да чувствувам потреба да се покријам или да се срамам да го хранам моето бебе на јавно место, но зачудувачки не чувствувам ништо слично за топлес едиторијалите кои ги имам направено во име на уметноста..?
Светот отрпна на сексуализацијата на градите и на насилството на ТВ... зошто треба да е поразлично со доењето? Доењето не е сексуално, природно е.
Оние кои сметаат дека е погрешно да се храни детето во јавност треба да бидат едуцирани за бенефициите кои мајките и децата, но и општеството како целост, ги добиваат од доењето“ - напиша таа на Instagram.
За дел од фотографиите, Кендис позираше пред објективите и со малиот син.
