Алиша Кис го очекува своето второ дете. Музичката ѕвезда објави дека е бремена, споделувајќи фотографија на која се гледа нејзиното големо стомаче.
Фотографијата е по повод четвртата годишнина од бракот на Кис и Свис Биц. „Среќна годишнина на љубовта на мојот живот! И за да е сѐ послатко, благословени сме со уште еден ангел кој е на пат!“ – напиша Кис на Instagram.
33-годишната пејачка и 35-годишниот рапер, диџеј и продуцент стапија во брак на 31 јули 2010 година, а во октомври истата година им се роди првото дете.
