People: Ченинг Тејтум е најсекси маж за 2012

Ченинг Тејтум е прогласен за најсекси маж од списанието „People“. Ѕвездата од филмовите „Step Up“ и „Magic Mike“ ја презеде титулата од Бредли Купер.

32-годишниот актер бил многу изненаден од изборот на списанието. „Мојата прва мисла беше: Сите вие си поигрувате со мене“ – признал тој.

Џули Џордан, претставничка на списанието, вели дека го избрале Тејтум бидејќи тој е повеќе од тело, затоа што има големо срце, ја сака својата жена и е подготвен да има деца.

„Тој е скулптор кој го цитира Едгар Алан По, обожава да прави масажа и со нетрпение очекува да создаде семејство“ – пишува „People“.

Ченинг е во брак со Џена Деван од 2009 година и вели дека се подготвени да имаат деца. „Подготвен сум, мислам дека и таа е подготвена. Првиот број кој ми паѓа на ум е три, но прво сакам едно да е здраво, а потоа ќе видиме како ќе продолжиме. Лесно е за нас мажите да кажеме: Сакам 15 деца. Но, Џена ќе ми рече: Подобро да си најдеш уште една жена“ – изјавил тој.

Титулата „Најсекси маж“ од „People“ претходно ја имаат добиено и Рајан Рејнолдс, Бред Пит, Џони Деп, Хју Џекман, Џорџ Клуни и Ричард Гир. Погледнете го изборот на списанието во изминативе 26 години: