Три децении списанието People избира кој припадник на посилниот пол ќе ја добие титулата „Најсекси маж“. Годинава честа му припадна на Двејн Џонсон, кој од неодамна е и најплатен актер во Холивуд.
44-годишниот актер, познат по мускулестата фигура и по прекарот The Rock, во интервјуто за списанието зборувал за неговото градење како личност.
„Стигнав до момент во животот кога сум малку поискусен како маж и татко. Имам поминато низ подеми и падови во животот и врски и брак, развод, но најважниот елемент е љубовта и тоа колку е важна. Научив дека кога љубиш, треба да љубиш моќно. Па, кога ќе ти кажам дека те сакам, јас навистина те сакам“ – рекол тој.
Двејн го наследи Дејвид Бекам кој минатата година ја доби истата титула.
