Новиот спот на Џон Леџенд испраќа силна позитивна порака. Во видеозаписот за „You and I (Nobody in the World)“ повеќе жени се набљудуваат себеси пред огледало.
На почетокот на видеото, девојката на Леџенд, Криси Тиген, се подготвува за вечерна забава, а потоа се нижат снимки од жени со различна форма на телото, боја на кожата или медицински проблем.
Бремена жена го гали својот стомак, жена ја вади својата перика и ја открива ќелавата глава која е последица на хемотерапија, мало девојче со Даунов синдром се мурти, а потоа се смее пред огледало, жена со солзи во очите го соблекува градникот и ги открива лузните од мастектомијата...
Баладата „You and I (Nobody in the World)“ е првиот сингл на Леџенд по објавувањето на големиот хит „All of Me“.
И двете песни се дел од албумот „Love in the Future“.
