Нов мешап од популарните песни „Thinking Out Loud“ од Ед Ширан и „I’m Not The Only One“ од Сем Смит стана вирален хит.
Миксот е дело на YouTube ѕвездите Сем Цуи, кој ја пее песната на Ширан и Кејси Бривс, кој ја исполнува баладата на Смит. Видеозаписот во кој талентираните Американци истовремено ги изведуваат големите поп хитови досега има речиси 10 милиони прегледувања на YouTube.
Цуи стекна голема популарност со преработката на хитови од музички ѕвезди како Адел, Бритни Спирс, Тејлор Свифт, Џастин Тимберлејк и Бруно Марс. Минатата година тој умешно ги спои песните „Let it Go“ од дизниевиот хит „Frozen“ и „Let Her Go“ од Passenger.
