30 години по смртта на единствениот Фреди Меркјури, британскиот бенд Queen ја објави изгубената песна „Face it Alone“.
Песната била снимена со Фреди во 1988 година, но не била поставена на албумот „The Miracle“. Продуцентскиот тим на бендот ја нашол додека го подготвувале реизданието на албумот, чија промоција се очекува на средината од ноември. Слушнете ја:
Во 2014 година, Queen го издаде албумот „Queen Forever“. На него беа поставени 3 дотогаш непознати песни со покојниот пејач: „Let Me In Your Heart Again“, „Love Kills“ и „There Must Be More to Life Than This“.
Бендот Queen го сочинуваа Меркјури, Брајан Меј, Роџер Тејлор и Џон Дикон. Основан е во 1970 година, а планетарно се прослави со песните „Bohemian Rhapsody“ и „We Will Rock You“.
„Queen's Greatest Hits“ е најпродаваниот албум во Велика Британија на сите времиња.
Снимањето на албумот „The Miracle“ започна неколку месеци откако Фреди дозна дека е болен. Песната „Face it Alone“ ја истакнува неговата борба и жестокост, психолошката драма во неговиот живот.
Фреди Меркјури важи за еден од најмоќните вокали во светот. Почина во 1991 како последица од компликации од СИДА, на 45-годишна возраст.
