Можеби летото сè уште не е започнато, но модната индустрија се движи еден чекор понапред и Кристијан Лобутин веќе ни дава можност да ѕирнеме во неговата најнова колекција за студената сезона есен/зима 2013.
Францускиот дизајнер, кој го освои светот со карактеристичниот црвен ѓон, објави дел од обувките и чантите кои ќе ги мамат женските очи по збогувањето со летото. Елегантни чевли со шпиц и високи чевли со платформа, надополнети со тенка дамска штикла, се моделите кои доминираат во новата колекција, иако оставен е простор и за полната потпетица.
Повеќето чантички се со правоаголна форма и со впечатлива текстура. Боцките и нитните се можеби најпрепознатливиот знак на колекцијата.
