Сексапилните сестри Пенелопе и Моника Круз ги објавија фотографиите за промовирање на нивната втора колекција за швајцарскиот бренд Charles Vögele.
Колекцијата наречена „Biaggini Violett“ е наменета за сезоната пролет/лето 2011 и вклучува тренди кежуал облека во минималистички стил.
„Отсекогаш сме сакале облека, порано се криевме во бањата со модни списанија и кажувавме кои работи ги сакаме. Земавме молив, ги обележувавме сликите и покажувавме како ние би ги трансформирале дома“ – изјавила пред неколку години Пенелопе.
Ова не е прв обид на двете сестри да влезат во модната индустрија. Претходно тие имаат соработувано со брендот Манго, а Моника има создадено колекција накит и чанти за јапонскиот бренд Samantha Thavasa.
