Ако има некој кој може максимално да ги разгори страстите на обожавателките на незаборавни обувки, тоа дефинитивно е Кристијан Лобутин. За сезоната есен/зима 2012 врвниот дизајнер создаде уште една возбудлива колекција обувки за современите дами.
49-годишниот Французин освен што креираше нови модели со воочливи неповторливи детали, остави простор во колекцијата и за популарните црни и кремови обувки со вртоглаво високи потпетици кои веднаш се поврзуваат со неговото име. Препознатливиот црвен ѓон магично се вклопува во секој стил и одлично ја надополнува колекцијата наменета за студената сезона.
Модернистичките обувки пленат со шарм, а зрачат со храброст. Елеганцијата е изразена преку силуетите и употребата на кристали, смелоста преку забележливите боцки, а уникатноста преку неочекувано инкорпорирање на детали како цвет или панделка, преку слоевито редење на парчиња кожа или преку интересна текстура.
Сè на сè, ова е колекцијата која инстантно ќе се вреже во вашиот список на нешта кои сакате да ги поседувате.
