Синоќа во Њујорк се одржа 71-вото по ред доделување на наградите Тони. На свечената манифестација, на која водител беше Кевин Спејси, беа наградени најдобрите на театарската сцена во изминатата година.
„Dear Evan Hansen“ триумфираше со најмногу добиени награди, добивајќи ја и статуетката за Најдобар мјузикл. За Најдобра театарска претстава беше избрана политичката драма „Оslo“.
Кевин Клајн се закити со статуетката за Најдобар актер во главна улога во претстава за „Present Laughter“, додека за Најдобра актерка во главна улога во претстава беше прогласена Лори Меткалф за „A Doll's House, Part 2“.
Наградата за Најдобар актер во главна улога во мјузикл заврши во рацете на Бен Плат, а Бети Мидлер победи во категоријата Најдобра актерка во главна улога во мјузикл.
На реномираниот актер Џејмс Ерл Џонс му беше доделена специјална Тони награда за животно постигнување на театарската сцена.
Погледнете како изгледаа гостинките на настанот и оценете го нивниот стил:
