Како што и се очекуваше, мјузиклот „Hamilton“ доминираше на 70-тото издание на Tony Awards. Популарниот мјузикл на Лин Мануел-Миранда, кој доби Пулицерова награда за драма, победи во 11 категории, меѓу кои Најдобар мјузикл.
Френк Ланџела ја доби наградата Најдобар актер во претстава за „The Father“, додека Џесика Ланг прими статуетка за Најдобра актерка во претстава за „Long Day's Journey Into Night“.
За својата улога во „Hamilton“, Лесли Одом Џуниор ја доби наградата Најдобар актер во мјузикл, а Синтија Ериво беше прогласена за Најдобра актерка во мјузикл за „The Color Purple“.
Наградата Најдобра претстава беше резервирана за „The Humans“.
Церемонијата беше завиена со тага поради неодамнешниот терористички напад во геј бар во Орландо, па речиси сите победници и водителот Џејмс Корден упатија пораки кон ужалените семејства и сите засегнати од ужасниот масакр кој згасна 50 животи.
Целосната листа на победници можете да ја погледнете тука.
